Republika e Beninit fuqishëm pro Kosovës në Interpol, kështu thotë zëvendëskryeministri dhe ministri i jashtëm Behgjet Pacolli.

Ai thotë se ka pasur një takim të frytshëm me homologun e tij nga Benini, Aurelien Agbenonci, shkruan arbresh.info.

Sipas ministrit të jashtëm Benini ka konfirmuar mbështetjen e tyre për anëtarësimin e Kosovës në Interpol.

Lexoni të plotë shkrimin e tij:

Republika e Beninit fuqishëm pro Kosovës në Interpol

Takim jashtëzakonisht i frytshëm në Jerevan, me ministrin e jashtëm të Beninit Aurelien Agbenonci. U rikonfirmua mbështetja e fuqishme e Beninit për anëtarësimin e Kosovës në Interpol dhe organixatat tjera ndërkombëtare. Homologu im do të zhvillojë një vizitë zyrtare në Kosovë gjatë muajit tetor, gjatë së cilës do të nënshkruajmë marëdhëniet diplomatike ndërmjet dy vendeve tona.

Benini, gjithashtu është duke e shqyrtuar edhe mundësinë e hapjes së ambasadës së parë të një shteti afrikan në Prishtinë.